ليه الكتالوج مهم و برغم وجوده من زمان كوسيلة للدعاية إلا أنه مازال مهم جداً و ممكن يكون من أهم وسائل الدعاية دلوقتي
في المقال ده هنتعرف على أهمية الكتالوج للدعاية عن شغلك و ليه هو رغم كل وسائل الدعاية التانية
مبدئياً تقديم منتجاتك على شكل قصة بيساعد العميل على ربط علامتك التجارية وفهمها
درسات كتير أكدت أن العملاء بيستمتوا بقراءة الكتالوج عشان بيتقدم ليهم على شكل مجلة، وده السبب الي بيخليهم يقعدو مده كبيرة محتفظين بالكتالوج وبيعيدو قراته
الكتالوجات كانت و مازلت أداة مهمة جداً داخل خطة التسويق لإقناع العميل بالمنتج لأنها بتساعد على الحفاظ على العميل، وبتخلي عندهم دراية بالمنتجات الموجودة في الكتالوج وبالتالي بيميله أكتر ليها عن المنتجات الي ميعرفوهاش قبل كدة
في أسباب كتير جداً بتميز الكتالوج سواء الورقي او الإلكتروني عن وسائل التسويق التانية ذي الموقع الإلكتروني وغيره
أولاً: الكتالوج المعمول كويس ومليان صور وقصص ممتعة بيساعد العميل على فهم المنتج أو الخدمة ديه وبالتالي بيقتنع بيها
نصيحة: لازم تعرف تظهرهوية وشخصية منتجاتك في الكتالوج كويس وتقنع العميل أن في هدف أو قيمة معينة من خلال المنتجات ديه
ثانياً: الكتالوجات بتظهر أفكار جديدة عن المنتج و بتزود معرفة العميل بيه، كمان وجود الكتالوجات وسط خطة التسويق بيساعد على معرفة الناس أسرع بالمنتاجات
نصيحة: خلي طريقة عرضك للمعلومات في الدعاية الإلكترونية على السوشيال ميديا أو الموقع الإلكتروني بنفس اللغة المستخدمة في الكتالوجات الوراقية وغيرها
ثالثاً: علماء التسويق اكدوا أن وسائل الدعاية الملموسة ذي الكتالوجات وغيرها بتقنع العميل أسرع وبيفضل فكرها عن وسائل الدعاية التانية، من خلال أنها بدوم في عقل العميل لوقت أكبر، وبيفهمها ويقتنع أسرع
نصيحة: اعرف أنت موجه رسالتك الدعائية لمين والعميل بيميل للمحلات التجارية ولا المواقع التجارية والاون لاين شوبينج و بناءاً عن ده اختار هتعمل كتالوج ورقي ولا إلكتروني
رابعاً: الكتالوجات بتدمج الدعاية الورقية و الإلكترونية بطريقة ذاكية جداً
من خلال التقنيات الحديثة ذي QR Code وغيره ممكن تدمج ما بين الكتالوجك سواء الإلكتروني أو الورقي و تضيف ليه تقنيات حديثة عشان يحصل تكامل بين موارد خطة الدعاية وكل وسيلة دعاية تدعم التانية
نصيحة: ضيف للكتالوج بتاعك عوامل تغنيه تخلي شكله جذاب من أول التصميم، المحتوى و كمان ملمسة و مقاسة
خامساً: الكتالوجات بتقدم للعميل السهولة، الراحة، وكمان الأستمتاع
الكتالوجات تعتبر تجربة شخصية للعميل، بيقرأ الكتالوج بنفسة وبيدور على الي محتاجة بسرعة، بيفضله بسبب وجود الصور أو القصص وبتضيف للتجربة متعة ذي ما قلنا قبل كدة
و من خلال تقسيمات المنتجات والعروض بتساعد العميل انه ميضيعش وقت كبير على موقع الإلكتروني أو غيره
نصيحة: حدد معاد معين للكتالوج بتاعك، في وقت المناسبات أو المواسم المختلفة، الطريقة دي هتخلي العميل يستنى الكتالوج و يحس انه جه في وقته
