مصطلح (الأكثر مبيعاً) بيقبلنا كتير وعلى طول بيجي في بالنا إن أكيد المنتج ده هو الأفضل وأكيد تم بيعه شكل اكتر، لأن الجملة في حد ذاتها محفزة ومقنعة للشراء ولكن في الحقيقة الأمر انه مش دايماً بيكون الأفضل فعلاً
طيب ازاي في منتجات في قائمة الأكثر مبيعاً مع انها مش الأفضل؟ هو ده موضوع المقال
بداية ظهور مصطلح الاكثر مبيعاً كانت خاصة بالمطبوعات والكتب ومن وقتها ولغاية دلوقتي مازال في قوائم باسم الأكثر مبيعاً في كل المكتبات وجهات الطبع عالمياً كمان
أهداف وجود قائمة الأكثر مبيعاً متنوعة ومن أهمها تحقيق أرباح أكتر وبالذات في عمليات البيع الي بتم من خلال الانترنت
ولكن يفضل السؤال هنا ليه في منتجات في قائمة الأكثر مبيعاً مع انها مش الأفضل
جهات البيع بأنواعها بتتجه دايماً لفن الأقناع طبعاً بهدف زيادة الأرباح ومصطلح الأكثر مبيعاً هو أحد وسائل الترويج المستخدمة حديثاً، لأنه بيأثر على المستهلك وبيحفزه على الشراء و المستهلك عمره ما هيفكر المنتج الي في قائمة الأكثر مبيعاً تم اختياره على اي اساس ووفق اي معايير
ولكن ده مش معناه ان مفيش مصداقية، لا في الأغلب بيكون في درجة عالية من المصداقية
لكن السؤال هما علي أي اساس أو أي معايير تم اعتباره من قائمة الأكثر مبيعاً
مثلاً: هل على حسب مستوى وحجم مبيعات المنتج ولا على حسب حجم التسويق للمنتج لأن ممكن يكون المنتج تم اعطاءه شوية أفضلية في العرض سواء بتحديد مكان مخصوص له أو وضعه على رفوف في متناول المستهلكين او في مركز رؤيتهم خلال التسوق فابيزيد من فرص بيعه عن غيره وممكن يكون في منتج أخر جودته أعلى لكن حظه اسوء من حيث الدعاية
كمان المنتج ممكن ميكوش من افضل مبيعاً لفترة طويلة لكن المسوقين بيفضلو تركه في القائمة
و كمان أفتكر أن التحليلات و الأبحاث التسويقية اللي على اساسها وضع المنتجات في قائمة الأكثر مبيعاً زي أرقام محددة للمبيعات او فترة المبيعات وغيرهم المستهلك العادي مش هيفكر فيهم و بالتالي هيتأثر بالجملة وهتشجعه على الشراء بدون النظر في تفاصلها
