اتكلمنا في المقال الي فات عن اهمية استراتيجية التسويق وعن مكونتها في مقال أهمية استراتيجية التسويق في 2023
و في المقال ده هنعرض خطوات استراتيجية التسويق خطوة بخطوة
مبدائياً لازم تعرف ان استراتيجية التسويق القوية هتوصل لجمهورك المستهدف – بالإضافة انه هيشمل الي مسمعوش قبل كده بالعلامة التجارية
وكمان من غير استراتيجية تسويق محددة هتفضل تجرب و تشوف هتنجح ولا لا – وده هيكلفك وقت وموارد كتير
ولو اخدنا نظرة على خطوات إنشاء استراتيجية التسويق هيكونوا باختصار:
بناء خطة تسويق
إنشاء شخصيات المشتري
تحديد أهدافك
تحديد الأدوات المناسبة
تدقيق وتخطيط الحمالات الإعلانية
واخيراً تنفيذ استراتيجيتك
أولاً: بناء خطة تسويق
اكيد اول سؤال هيجي في بالك ايه الفرق مابين خطة التسويق والاستراتيجية
الموضوع ده اتكلمنا عنه باستفاضة في مقال أيه العوامل المؤثرة لبناء استراتيجية تسويق ناجحة؟
لكن بختصار توفير استراتيجية التسويق الخاصة بيك هتكون نظرة عامة على أسباب اختيار الموارد المعينة الي فريقك مفروض يستخدمها، واتخاذ إجراءات معينة، وتحديد أهداف معينة على مدار السنة وخطتك التسويقية هي الإجراءات المحددة الي هتستخدمها لتحقيق الاستراتيجية
ثانياً: إنشاء شخصيات المشتري
لو مش بتقدرتحدد شخصية جمهورك المستهدف في جملة واحدة فدي فرصتك دلوقتي
لأن شخصية المشتري هي الفرصة لمعرفة عميلك المثالي
بتحتوي شخصيات المشتري على معلومات ديموغرافية ونفسية مهمة، بما فيهم العمر والمسمى الوظيفي والدخل والموقع و الاهتمامات و التحديات
دلوقتي انتشرت حلول كتير لتحديد وفهم جمهورك المستهدف ومنها الذكاء الاصطناعي
وافتكر دايماً ان شخصيات المشتري لازم تكون في صميم بناء استراتيجيتك
ثالثاً: تحديد أهدافك
لازم تعكس أهداف استراتيجية التسويق الخاصة بيك أهداف عملك
ممكن تكون أهداف التسويق التانية هي زيادة الوعي بالعلامة التجارية أو توليد عملاء محتملين او تمنية القيادة الفكرية او اي هدف تاني
مهما كانت أهدافك التسويقية، حدد ايه هي وازاي ممكن لمؤسستك التسويقية تحققها في خلال السنة
رابعاً: تحديد الأدوات المناسبة
بمجرد تحديد أهدافك اتأكد من ان معاك كل الأدوات المناسبة لقياس نجاح أهدافك
من خلال التعامل مع شركة تسويقية تقدر تساعدك على تحديد الموارد
خامساً: تدقيق وتخطيط الحمالات الإعلانية
الخطوة دي من أهم الخطوات، لان المحتوى من أكتر العوامل المساعدة ليك
ركز على أهدافك الإعلامية والتسويقية المملوكة ليك
وبعد كده ركز في شخصيات المشتري الخاصة بيك وفكر في حلول تظهر ذكئ اختيارك في حل تحدي شخصيات المشتري
أخيراً، قم بإنشاء خطة إنشاء محتوى. لازم تتضمن الخطة مجموعات والموضوعات والأهداف والشكل لكل جزء من المحتوى واتأكد من تضمين التحدي الي بتحله مع شخصيات المشتري
سادساً و أخيراً: تنفيذ استراتيجيتك
في المرحلة دي، لازم تساعدك أبحاث السوق و التخطيط على تصور كيفية تنفيذ استراتيجيتك
بتتمثل الخطوة الأخيرة في جمع كل حاجة على بعض وتعيين إجراءات لخططك
قم بإنشاء مستند يوضح الخطوات الي هتحتاج اتخاذها في تنفيذ حملتك
بمعنى ابسط، حدد استراتيجيتك
وفكر على المدى الطويل عند إنشاء المستند. وثيقة الإستراتيجية القياسية بتكون على مدار 12 شهر
لازم يكون الجدول الزمني المنظم هو الأساس الرئيسي لجهودك التسويقية الاستراتيجية
افتكر دايماً أن استراتيجيتك الرقمية فريدة علشان كدا لازم تكون الوثيقة هي كمان فريدة، وسعتها هتم الخطة بنجاح
