في كتير مننا مش بيبقى فاهم بالظبط ايه معنى العلامة التجارية، عشان نفهم ايه هي العلامة التجارية او البراندج لازم نعرف في الاول معنى المنتجات و العلامات التجارية
تعريف المنتج
بشكل عام المنتج هو اي شخص بتقدمه للسوق لتلبية حاجة العملاء، زي السلع المادية و الخدمات و التجارب او المعلومات و الأفكار… ( كولتر و كيلر – 2015 )
و ده معناه ان المنتج ممكن يكون اي حاجة زي إقامة في فندق، او رحلة طيران، ملابس..
زي المياه، المياه كانت مورد مجاني و اصبحت منتج لما الشركات اصبحت بتسوقه و بتستخدمه كمنتج بيتباع في ازايز لكن المياه طول عمرها هي هي، ازاي الشركات بتبيع نفس المنتج و بتقنع الناس ان المنتج الي في الازازة دي غير المنتج الي في الازازة التانية؟ الإجابة هي: من خلال البراندنج – العلامة التجارية
تعريف العلامة التجارية
العلامة التجارية على حسب كلام الجمعية الأمريكية للتسويق هي اسم او مصطلح او تصميم او رمز او اي ميزة تانية تحدد سلعة او خدمة بائع ما على انها مميزة اكتر عن غيرها من الي بيقدمها بائع تاني
تقدر تعتبر ان العلامة التجارية بمثابة الصورة او الفكرة الي الاشخاص بيكونوها وقت التفكير في المنتجات او الخدمات لشركة معينة، سواء من التاحية العملية، على سبيل المثال: الجزمة وزنها خفيف) و الطريقة العاطفية ( الجزمة بتحسسني بالقوء) لذلك إنشاء علامة تجارية مش بيقتصر بس على السمات المادية، لا كمان على المشاعر الي ممكن المستهلكون يطورها عن الشركة او المنتج الي بيقدموه
و المزيج ده من الإشارات الجسدية و العاطفية بيشتغل سوء عند العرض للاسم او الشعار او الهوية المرئية و حتى الرسالة الي بيتم توصيلها
المنتج ممكن يكون في نسخ منه كتير في السوق، ولكن العلامة التجارية هتكون دايماً فريدة من نوعها، على سبيل المثال، كوكا كولا طعمهم متشابة جداً و مع ذلك، لسبب ما، في ناس بتحس بارتباط لكوكا كولا اكتر و ناس تانية العكس في النهاية العلامة التجارية هي شعور الشخص الغريزي تجاه منتج او شركة معينة
يمنح البراندنج – العلامة التجارية المنتجات او الخدمات قوة البراند
البراندنج هي عملية إعطاء معنى لمؤسسة او شركة او منتجات او خدمات المعينة من خلال تشكيل علامة تجارية في اذهان المستهلكين البراندنج باختصار هو استراتيجية مصممة من خلال مؤسسات لمساعدة الاشخاص على تحديد علامتهم التجارية و تجربتها بسرعة، وكمان منحهم سبب لاختيار منتجاتهم بدل المنتجات المنافسة من خلال توضيح ايه العلامة التجارية المحددة
اكيد بتسال نفسك ايه الهدف
الهدف هو جذب العملاء المخلصين و اصحاب المصلحة و الاحتفاظ بيهم من خلال تقديم منتج يتوافق دايماً مع ما تعد به العلاقة التجارية
!ببساطة
المنتج هو الي الشئ الي بيتباع، و البراند هو الصورة المتصورة عن المنتج، و البراندنج – العلامة التجارية هي الاستراتيجية لإنشاء الصورة دي
