إنشاء استراتيجية تسويق أمر ضروري لرعاية عملائك بشكل فعال، وتحسين نتيجة شغلك النهائية، وزيادة عائد الاستثمار
وفي 2023 تعتبر استراتيجية التسويق مهمة جداً لو مهتم بالاستفادة من أعلى اتجاهات عائد الاستثمار في السنة الجديدة، زي: الفيديوهات القصيرة، و التسويق التأثيري
وللحصول على نتائج قوية، لازم تنسج في خطتك كل التجاهات الناشئة والاستراتيجيات الي اثبتت اهميتها
مبدائياً استراتيجية التسويق هي خطة مفصلة ومنظمة للجهود الترويجية للشركة من خلال مجموعة واسعة من المنصات والقنوات
في الأغلب استراتيجية التسويق بتتضمن الأهداف وملفات تعريف الجمهور المستهدف وخطوات إنشاء المحتوى ومؤشرات الأداء الرئيسية ومكونات تانية
:كمان بتساعدك في جوانب كتير زي
مواءمة فريقك على أهداف محددة
هتححدلك الهدف الي هتمشي عليه
وهتسمحلك بتحديد و اختبار ما يلقى صدى عند جمهورك المستهدف
تمكينك من الاستفادة من الاتجاهات الناشئة
و آخر ميزة مهمة بشكل خاص للسنة الجديدة، وهي مواكبة اتجاهات التسويق
طيب مسالتش نفسك اشمعنا السنة الجية مهمة جداً كده من حيث التغييرات؟
لأن في سنة واحدة بس حصل تحويلات كبيرة في محتوى الفيديو القصير، وصعود وسقوط منصات جديدة و كمان تأثير الوباء المستمر
باختصار اي نجاح حصل في استراتجيتك التسويقية القديمة ممكن ميحصلش السنة الجية بنفس الشكل
وعشان تحقق النجاح في عالم التسويق السريع – وتحافظ على الشعور بالصلة مع جمهورك لازم تكون دايماً على دراية بالتغييرات
الكلام ده يخلينا ننتقل للخطوة التانية وهي معرفة مكونات تشكيل استراتيجية تسويق قوية
مكونات استراتيجية التسويق
المزيج التسويقي (4Ps of marketing)
أهداف التسويق
ميزانية التسويق
التحليل التنافسي
إنشاء المحتوى
أولاً: المزيج التسويقي
المزيج التسويقي أو زي ما معروف باسم 4Ps of marketing هو المستند الأول الي لازم تعمله عشان تفهم ايه الي هتقوم بتسويقه، و المكان الي هتقوم بتسويقيه فيه، و ازاي هتسوقله
وبيتكون من المنتج – السعر – المكان – الترويج
ثانياً: أهداف التسويق
لازم تحدد أهدافك التسويقية قبل بناء استراتيجيتك، لأن أهدافك هيتبني عليها المكونات التانية للخطة زي الميزانية وعملية إنشاء المحتوى
ومع كل هدف لازم تكون محدد قدر الإمكان
حاول تكون أهداف تسويقية ذكية مقسمة حسب القناة أو التكتيك الترويجي، ومتنساش أنك دايماً تقدر ترجع وتراجع أهدافك إذا غيرت أولوياتك
ثالثاً: ميزانية التسويق
ميزانية التسويق عنصر اساسي في استراتيجيتك
لأن من غير تخصيص الأموال لتوظيف المواهب المناسبة، واستخدام البرامج المناسبة، والإعلان على القنوات المناسبة، وإنشاء المحتوى المناسب مش هيكون لاستراتيجيتك التسويقية تأثير قوي
وعشان تحصل على عائد استثمار قوي لازم تستثمر في الأول
افتكر دايماً انك تقدر تبدأ بمذانية صغيرة – ومع التركيز والشغل على ميزانيتك هتقدر تستثمر أكتر مع الوقت
رابعاً: التحليل التنافسي
معرفة منافسيك أمر اساسي عند تحديد استراتيجية التسويق وإلا هتكون عامل زي الي بيصرخ في الصحراء من غير فايدة قابلة للقياس
و الاسوأ كمان انك مش هتعرف تحدد إذا كنت فارق عن منافسيك ولا لا، قادر تجذب انتباه جمهورك المستهدف بشكل فعال ولا مش قادر
خامساً: إنشاء المحتوى
في الخطوة دي لازم تفكر كويس قبل نشر محتوى عشوائي ملهوش علاقة بالعميل، وكمان لازم تستفيد من التجاهات الناشئة عشان تتمتع علامتك التجارية برؤية عالية في السوق
الأحصائات الأخيرة اظهرت ان اغلب المستخدمين بيفضلوا مقاطع الفيديو القصيرة عن الصور والمقالات المنشورة والرسوم البيانية و حالياً الفيديو بيحتوى على أعلى عائد استثمار
من المهم كمان التركيز على الاستثمار في المفضلات عند الجمهور والي ليها عائد استثمار مرتفع، زي مقاطع الفيديو القصيرة و التسويق التأثيري و الرسائل المباشرة للشبكات الاجتماعية
وده مش معناه انك مش مفروض تركز على المدونات، لأنها اكتر تقنية تسويق اثبتت وجودها، لكن مهم جداً تحديد مكان تخصيص معظم الموارد، بالذات لو كانت الميزانية محدودة
بتتوقع ايه بعد اتباع خطوات عملية التسويق الخاصة بيك
في النهاية، إنشاء استراتيجية التسويق مش حاجة ممكن تحصل في يوم وليلة
الموضوع بيحتاج زقت طويل وتركيز لضمان وصولك لجمهورك المثالي في أي وقت وأي مكان
