عايز تبني إستراتيجية تسويق ناجحة توصل بيها لأهدافك سواء الأهداف دي زيادة الأرباح أو تزود معرفة عملاء أكتر بمنتجك أو بالخدمة الي بتقدمها لازم تعرف أيه الأخطاء الي لو موجودة في أي أستراتيجية تسويق من الأخر كده هتفشل
مبدئياً، لازم نعرف الفرق مابين أستراتيجية التسويق وخطة التسويق
أستراتيجية التسويق هي عملية التخطيط، بشكل مسبق، لكل الإجراءات الترويجية لعلامة التجارية بتعتك، ومتابعة النتائج بشكل دوري مخطط وتحديد المزايا لاستكملها و تحسنها وتحديد العيوب لتعدلها، من الأخر هي الخط الرئيسي للفكرة، هدف كامل كبير بيكتمل في سنة أو ممكن سنين كمان
أما خطة التسويق هي أهداف واضحة معينة خطوة بخطوة، هدف وراء هدف افعال واضحة و معروفة نحو استكمال الأستراتيجية الكبيرة
الكلام ده معناه أن من غير استراتيجة واضحة وكبيرة، مدروسة بأهداف و تفاصيل، أو من غير خطة محددة خطوة بخطوة بناء أستراتيجة التسويق بتعتك هيختل ومش هيقدر يوصلك للأهداف الي بتسعى ليها
تاني خطئ رغم أنه مهم وفارق جداً إلا أن معظم الناس بتقع فيه، هو أنك متكنش عندك هدف محدد عايز توصله أو مترجت عملاء محددين لأستهدفهم Target audience ال
تحديدك لهدف معين عايز توصله أو عملاء معيانين عايز تعرفهم أو تقنهم بالمنتج بتاعك عامل أساسي بيبنى عليه الأستراتيجية من الأساس، ف بالتالي وببساطة عدم تحديد هدف محدد هيودي لفشل وصولك لأي هدف
لو عرفت تحدد عميلك المستهدف يبقى الخطئ التاني الي مينفعش تقع فيه هو أنك متحددش اهتمامته، اولوياته، ظروفه و احتياجاته
لازم تعرف لغته عشان تكلمه بيها، لازم تعرف اهتمامته عشان توصله من خلالها مثلاً لو العميل الي انت مختاره من فئة عمرية صغيرة هتروحله النادي، انستجرام أو فيس بوك بس لو العميل راجل كبير هتروحله القهوة وهو قاعد مع صحابه هتختار مكان جنب شغله أو ليه علاقة بمجال شغله أنك بتخاطب فئة متعلمة مختلفة عن أنك تختار فئة مارحتش مدارس و مختلفة عن انك تخاطب دكتور في الجامعة، الطريقة الي بيتكلم بيها لاعيب الكورة غير الطريقة الي بتتكلم بيها أم، اللاعيب أولوياته وأهتمامته حتى طريقة أستعابة مختلفة عن طريقة الأم
لو معرفتش الي أنت بتكلمه ده اهتمامته ايه، الطريقة الي يقدر يستوعبها ويتكلم بيها ايه مش هتعرف تقنعه بشغلك مهما كان منتجك أو خدمتك مفيدة و كويسة
الخاطئ التالت الي لو عملته أقدر أقولك أن فشل خطتك واضح قدامي اهو، هو عدم معرفتك للي محتاجة السوق وأنت بتختار المنتج الي بتقدمه، أعرف أن لو المنتج أو الخدمة بتاعتك مقدمش حلول يبقى فشلك واضح و صريح، ادرس السوق كويس أعرف ايه نوقصه و أحتياجاته وادرس منافسينك واعرف عيوبهم قبل مميزتهم واستغل العيوب ديه عشان تكون مختلف ونافع لعملائك
و اكبر خطئ ممكن تقع فيه أنك تتعامل مع العميل الي أشترى منك على أنه عميلك لمرة واحدة علاقتك هتنتهي بيه على أنه يشتري منك المنتج المحدد ده وخلصت
التكلفة الي هتدفعها لكسب عميل جديد عن طريق الدعاية أو تقديم محتوى أو إعلان عن طريق التواصل الأجتماعي مش قليلة و أكتر بكتير من التكلفة الي هتدفعها للمحافظة على عميلك المخلص الي عرفك وأتعامل معاك
اوعى ترمي عميل أتعملت معه وعرفك في الزبالة أو تنهي علقتك بيه، المحافظة على علاقة كويسة ما بينك و بين عميلك مهمة جداً متسبهاش و تروح تعمل علقات جديدة من الأول
دي الأخطاء الكبيرة الي لو معملتش و اخت بالك هتخصرك وقت و مجهود و كمان عملاء، في أخطاء تانية لازم تتجنبها، زي أنك مينفعش تكون خدمة العملاء عندك مهمله أو بتعامل العميل غلط و أنك متقدرش تطورات السوق و تعرف ايه الجديد في السوق و تسعى لتطوير نفسك
.مقال الجديد في التسويق الإلكتروني 2022 هيسعدك تعرف اكتر عن التسويق في 2022 و ايه ازاي تستفيد من التغيرات دي
