بصفتنا شركة متخصصة في إنشاء و تطوير مواقع الويب، ديماً بنفضل أن يكون لدى عملائنا مدونة على موقع الويب الخاص بيهم، و في المقالة دي هنتكلم عن أهمية وجود مدونة بالنسبة للموقع
الموقع الالكتروني أو الويب سايت هو اساس الشغل مش مجرد مكتب استقبال رقمي للشركة وخلاص
اتكلمنا في مقالات كتير عن خصائص الويب سايت و اهميته و كيفية إنشائه و إدارته في مقال كيفية إنشاء و إدارة موقع ويب فعال بميزانية صغيرة و انهاردة هنتكلم عن المدونات و بشكل اساسي عن اهمية المدونة بالنسبة لموقع الويب لأن في بعض مواقع الويب بتكون مجرد عرض للشركة، في حين أن معظمها هو مصدر للعمل الأساس للمؤسسة
كل أصحاب الأعمال عايزين يزودو عدد الزوار على مواقعهم الالكترونية، و في عدة عوامل بتساعد على زيادة الزوار و من أهمها تحسين محركات البحث الي اتكلمنا عنها في مقال ايه الادوات الي بتحسن محركات البحث وازاي تستفيد منها، لأن تحسين محركات البحث اصبح أمر اساسي ولازم الموقع الالكتروني يكون منظم جداً
و من أكتر الطرق شيوعاً لتحسين محركات البحث هي كتابة المدونات
ولكن ايه هي المدونات؟
تحديث المواد الجديدة على موقع الويب كمنشور هي المدونات. ممكن يكون مقالة أو خبر أو اي حاجة مكتوبة
ويكيبيديا عرفته: بأن المدونة عبارة عن مناقشة أو معلومات منشورة على الويب سايت بيتم نشرها و ما يدخل فيه من نصوص منفصلة و غير رسمية في الوقت
طيب و ليه بنحتاج مدونة للموقع؟
ممكن تكون المدونة مش ضرورية لمواقع الويب الصغيرة و الثابتة، لكن هي جزء ديناميكي لاي موقع من المواقع النشطة و الديناميكية لأنها جزء مهم منها
و بتقدم مزايا كتير للموقع الويب، زي
الحفاظ على التواصل مع الناس
من خلال التدوين هتقدر تتواصل مع اشخاص كتير، و الأمر مش هيقتصر على العملاء وبس، هتقدر توصل لاشخاص كتير بيبحثو على الإنترنت على معلومات هيلاقوها من خلال مدونتك
على سبيل المثال: إذا بحث شخص ما على الانترنت من خلال محرك بحث جوجل مثلاً عن الفرق بين تحسين محركات البحث و التسويق عبر محركات البحث هيظهرلو شركة ترومودو في مقال تحسين محركات البحث ولا التسويق عبر محركات البحث و هيقرو المقال
و ده يعني أن ترومودو مرتبطين بمدونتهم الي بنشروها مش بس من خلال محركات البحث، و بالطريقة دي و بطرق اخرى هتقدر تكون متواصل مع الأشخاص من خلال المدونات
تاني ميزة هي الترويج لعلامتك التجارية
لما تكتب على الويب سايت الخاص بيك و تشاركه على الانترنت، فده معناه انك بتروج لعلامتك التجارية. زي ما قلنا في النقطة السابقة، أثناء توصلك لأشخاص من خلال المدونات على الانترنت فأنت بتقوم تلقائياً بالترويج لعلامتك التجارية
ولو اتكلمنا بشكل توضيحي اكتر، لما الشخص يدخل ويقرأ المقالة الي انت كاتبها على الموقع بتاعك هيقرأ كمان الشعار بتاعك و هيلاحظ اسم المجال المرتبط باسم شغلك وعوامل تانية هيقدر من خلالها القراء على التعرف على اسم شغلك وبالتالي الترويج لعلامتك التجارية
بتمتلك العديد من الشركات ميزانيات كبيرة و مجهودات قوية لزيادة الوعي بالعلامة التجارية، لأن الوعي بالعلامة التجارية بيعد عنصر مهم جداً لأي شغل بهدف التسويق و كجزء من التسويق هو الترويج لعلامتك التجارية
الميزة الثالثة هي: المساعدة على تنمية ترتيبك في محركات البحث
تحسين محركات البحث بتجبلك العميل الحقيقي لموقع الويب الخاص بيك زي ما اتكلمنا عن موضوع ده بالتفصيل في مقال محركات البحث هي الأعظم في التسويق لأنها بتجيب العميل الي محتاج يشتري دلوقتي
وزي ما ذكرنا قبل كده من اهم عوامل تحسين محركات البحث هي كتابة المدونة و هي ميزة مجانية مش هتدفعلها، كل الي محتاجه هو انك تكتب بشكل مستمر
كمان تبادل الخبرات و المعرفة
في الأغلب بيتم استخدام المدونات لكتابة الخبرات و مشاركتها و كمان ممكن كمشاركة ابحاثك من المدونات و هتكون فرصة كويسة للأشخاص التانية الي بيدوره على مجالات ذات صلة
و الميزة الأخيرة هي اظهار نشاطك على موقع الالكتروني و مواقع التواصل الاجتماعي
لو بتنزل باستمرار على موقع اليوب وعلى منصات التواصل الخاصة بيك هتوصل احساس للقارى انك نشط و إيجابي أكتر و بالتالي هتزيد الثقة من قبل عملائك
و العكس صحيح إذا مكنتش بتكتب مقالات باستمرار هتدي انطباع للعملاء انك غير نشط و بالتالي الثقة هتقل
تقريباً مفيش حد ممنا معندوش سوشيال ميديا لأنها اصبحت منصة جيدة لنشر خدمتك و منتجتك كمان، و الوجود عليها جزء لا يتجزأ من التسويق الالكتروني
و اخيراً
كتابة المدونة في حد زاتها ليها مميزات كتير زي زيادة الوصول و الوعي بالعلامة التجارية، و تعزيز ترتيبك على محركات البحث و زيادة المشاركة و بناء علامة جيدة مع العملاء
