في عصر الحالي عملية التسويق بتختلف جداً عن زمان
زمان كان التركيز أكبر على التليفزيون والأذاعة لكن من الفترة الشركات الي هدفها استهداف اكبر قدر من العملاء بالذات الشباب، مفيش وسيلة انسب من السوشيال ميديا يستخدموها وكمان المواقع الإلكترونية تأثيرها كبير على الفئة العمرية دي، ومع مرور الوقت هيكون ليها تأثير على كل طبقات العمرية مش بس فئة الشباب
من أهم مزايا التسويق الإلكتروني أنك تقدر تستهدف الفئات المراد التسويق ليها من خلال نوع شغلهم، سنهم، اهتمامتهم..وغيرها
بس الحاجة الأهم من كده أنك لما توصل للفئات المرادة تقدر تقنعهم بشراء منتجاتك أو خدمتك وكمان تبني علاقة قوية وطويلة الأمد، واستغلال ده لحفر اسم منتاجاتك في عقولهم، وقلوبهم كمان
لو عرفت توصل للمرحلة ديه اتأكد أنك نجحت للوصول لهدفك
هي دي بقا فكرة تكوين البراند كل الشركات تحتاج لبناء براند، بيتبني من خلال استراتيجة طويلة بتُصنع عن طريق اصحاب الشركة و متخصصين التسويق المسؤولين
بتتكون من خلال قيم ورؤية الشركة، تميزها والتزامها بالوعود، كل العوامل دي هتساعد على بناء علاقة مضمونة مع العملاء وبيتبعها خلق صورة إيجابية ومحاولة ترسيخ العوامل السابقة باسم الشركة، و هو ده بالضبط “عملية تكوين البراند” Branding”“
صناعة البراند للشركات بيقدم فوايد كتير منها
أولاً: بيحدد عملية التسويق و بيححد الفئة المستهدفة من العملاء
تاني حاجة: بيخلق أسواق متنوعة للمنافسين، بمعنى انه لفئات محددة على حسب الدخل، العمر، السن، مستوى المعيشة و غيرهم و ده بيسعدك في تحديد كل منتج و كل خدمة لفئة معينة
مش كل الناس بتاخد بالها من الفكرة ديه بس عامل البراند وأنك تختار الفئة المستهدفة و تبني عليها استراتيجية التسويق بداية نجاحك وعامل اساسي في زيادة ارباحك
الكلام ده معناه ان بمجرد اختيارنا لشعار محدد على المنتج بتتكون صورة ذهنية “تلقائية” او تصور معين عن المنتج او الخدمة
و ده يعرفنا ان اختيارنا للعلامة الصح الي بتعكس روح المنتج و مميزاته هتساعد لعميل يكون صورة ذهنية أو انطباع محدد ذي الي بيحصل مع شركات كتير، والسبب وراء ده بيرجع لرغبة العميل في معرفة هوية الشركة والتأكد من مصداقية المنت
من أهم فوائد البراند أنه بيزيد من “قيمة الشركة” لو فكرنا في الشركات الكبيرة ذي ماكدونالدز، كنتاكي، جوجل… او غيرهم. هنلاقي أن قيمة امتلكهم لاراضي أو المصانع 10% بس من قيمتهم الأساسية و 90% ترجع لقيمة البراند أو الأسم التجاري نفسة
وفي المقابل كل براند بتمتلك صفات و مميزات تتسم بيها بتساعد العملاء على اختيار الاحسن ليهم من الموجود
و كل ما الصفات المحببة في البراند زادت، نسبة العملاء الوثقين فيها هاتزيد وبالتالي هاتزيد قيمة البراند دي في حياتهم
فوائد البراند بأختصار هي
إظهار وترسيخ قيم ورؤية الشركة، وتميزها و ألتزمها بوعودها
بناء علاقة مضمونة مع العميل
بيسعدك على تحديد عملية التسويق و تحديد الفئة المستهدفة
تكوين صورة زهنية تلقائية عن المنتج و التأكيد على مصدقيته
عامل أساسي لنجاحك و زيادة أرباحك
وبكده نكون عرفنا بشرح مفصل أيه هي فوايد تكوين البراند لشغلك سواء بتبيع منتج أو بتقدم خدمة من أي نوع في المقال الجي هنتكلم عن طرق صنعته أو تكوينه، تابعنا
