ليه محركات البحث مهمة لأصحاب الأعمال؟
لو عايز تصنع وعي يدوم بعلامتك التجارية، وتوسع نطاق عملائك المستهدفين وتزيد المبيعات، لازم تكون مهتم بتحسين محركات البحث
طيب وأيه فوائد تحسين محركات البحث للعلامات التجارية؟
أولاً: المواقع الي بتحتل أوائل نتائج محركات البحث بتكون في نظر العملاء جديرة بالثقة، والميزة دي بتعزز من مصداقية شغلك
نصيحة: اهتمامك بتحسين محتوى موقعك الإكتروني وزيادة سرعته والبحث عن الكلمات الرئيسية وعوامل تانية اتكلمنا عليها في أيه الأدوات الي بتحسن محركات البحث و ازاي نستفيد منها؟ بتفيدك جداً لدعم مصدقيتك وتحسين مركزك قدام عميلك
ثانياً: تحسين محركات البحث مش مكلفة تماماً، بما أنها بتقوم بطريقة طبيعية فنجاحك في الظهور في أوائل محركات البحث مش بيحتاج لتكلفة كبير ذي طرق التسويق الالكترونية التانية، إتاحتها 24/7 بيساعدك على الوصول لعملاء جدد طوال الوقت من غير مجهود كبير
ثالثاً: تحسين محركات البحث بتساعد و بتدعم محتوى تسويق الشركة بشكل عام
سواء النصوص أو مقاطع الفيديو والصور، بتساعد تحسين محركات البحث في إظهار محتوك بشكل أوسع و أكبر
نصيحة: التركيز على تحديث معلوماتك ومحتواك على الموقع الإلكتروني يساعدك على تحسين محركات البحث
رابعاً: تحسين محركات البحث بتخلي المنافسة بينك وبين منافسيك أقوى
كل منافسيك يستثمروا في تحسين محركات البحث و وجودك ضمن المنافسة يخليك دائماً ساعي لإكتساب عوامل تساعدك في الوصول لمقدمة المنافسة و تكون أفضل من غيرك
نصيحة: مش هتعرف تفوز في المنافسة إلا بعد دراسة عوامل نجاح منافسيك
خامساً: كل استراتجيات التسويق بتهدف للوصول للعملاء المحتملين ولكن تحسين محركات البحث بتقدر توصل بسهولة لجذب اي عميل عنده نية للشراء، وبالتالي هتقدر تجذب أكتر نسبة عملاء ممكنة حتي لو مش مهتمين بشغلك في العموم
سادساً: وجود عدد كبير من العملاء داخل موقعك وتصفح فيه لمدة طويلة بناءً على زيادة أدوات التفاعل عندك هيساعدك بشكل رئيسى وكبير بكسب ثقة العملاء وتوطيد العلاقة مابينكم و بالتالي إفادة لشغلك على المستوى البعيد
سابعاً والأهم: محركات البحث من الأخر كده بتجيب العميل الي عنده جدية شراء وعايز يشتري دلوقتي مش مجرد عميل بيتصفح على السوشيال ميديا
نصيحة أخيرة: أقرا مقال أيه الأدوات الي بتحسن محركات البحث و ازاي نستفيد منها؟ للاستفاده منه في تحسين محركات البحث بتاعتك
العلامات التجارية الي بتستثمر في تحسين محركات البحث بتستثمر في المصداقية والثقة مع عملائها، مما يجعله جزء محوري من استراتيجية التسويق الإلكتروني
