!الكتابة على السوشيال ميديا شئ مهم جداً لجذب العملاء و إذا كان سوالك إذا كان عامل كتابة المحتوى بيفرق في زيادة عائد الاستثمار – فالإجابة ايوه
ولكن عشان تكتب على السوشيال ميديا محتاج تعرف شوية نصايح تساعدك على تحسين المحتوى الي بتقدمه
أولاً: لازم تكون محدد البراند بتاعك بيتكلم ازاي – وتتكلم بيه
صوت علامتك التجارية بيسمح للجمهور بتمييز علامتك التجارية و الارتباط بيها بسهولة
بيطلق على الخصية دي أحياناً اسم (نغمة الصوت)، لأن معظم العلامات التجارية الكبيرة ليها نغمة صوت محددة مش بتتغير و الناس بتعرفها من خلالها
لازم تكون نبرة الصوت على موقع الويب الخاص بيك، و وسائل التواصل الاجتماعي وتسويق الفيديو و الإعلان المطبوع و الغير مطبوع، متسقة
ثانياً: خلي كتابتك قصيرة و لذيذة
بتختلف عدد الكلمات المسموح بيها من تطبيق للتاني، مثلاً بيسمح ل تويتر ب 280 حرف بس و ل تيك توك ب 2200 ول فيس بوك بعدد كبير جداً من الحروف حوالي 63206 حرف
ولكن السماح بعدد كلمات كبير مش معناه اننا نكتب محتوى طويل – لأن في درسات اثبتت أن كتابة 40 حرف أو أقل بتكسب مشاركة وتفاعل الجمهور اكتر بنسبة 86% من المشاركات الأطول
“كمان لازم تكتب التفاصيل او المعلومات المهمة في الأول، خاصتاً في المنشورات الطويلة الي بتحتوي على علامة ” اقرأ المزيد
تقدر كمان تستخدم الكتابة على السوشيال ميديا من خلال انك تحضر ردود جاهزة و فورية تساعدك في الرد على العملاء بسهولة وفي وقت قصير جداً
وده يودينا للنصيحة التالتة: التركيز في ردودك على العملاء و المستفسرين
!لأن ممكن ردودك على العملاء تسقط نغمة صوت علامتك التجارية إذا كانت غير ملائمة، و ممكن كمان تكون بتتضمن أخطاء إملائية أو نحوية أو حتى رد سئ في صياغته يؤدي لمشاكل قانونية وغرمات ضخمة
و النصيحة الرابعة: هي انك لازم تأخد بالك جداً من الأخطاء الإملائية
راجع اخطائك الأملائية في كل كتابتك و ردودك – بعيداً عن قد ايه نفسك تتكلم بطريقة غير رسمية أو بطريقة مختصرة، أو ممتعة – لأن القواعد الإملائية بتعكس شكل سئ عن علامتك التجارية و بتظهر انطباع للجمهور بأنك مش كفء كفاية و أنك مش في صداره اللعبة
خامساً: اجذب جمهورك من خلال المحتورى التشاركي
متخليش المحتوى بتاعك مقتصرعلى كتابة شوية معلومات للعملاء وخلاص، لازم يكون المحتوى الي بتقدمه اجتماعي بمعنى انه يكون بيحتوي على رد و مشاركة و تفاصيل تشاركية مختلفة
و أخيراً: الكتابة ل وسائل التواصل الاجتماعي شئ صعب و كل مدى بيصعب اكتر وشركات كبيرة كتير بتستعين بشركات متخصصة عشان تساعدهم في كتابة المحتوى
ولكن في ادوات متوفرة زي جدولة النشر و الردود المحفوظة بتساعدك انك تكون منظم و كمان هي خدمة مجانية و سهلة الاستخدام ممكن تستخدمها ببساطة في البداية
