تحسين محركات البحث أو التسويق عبر محركات البحث، برغم أن الأتنين فيهم تشابه كبير وبيحققه نفس الهدف إلا أن برضه في إختلاف مابينهم
تحسين محركات البحث
هي باختصار استراتجية بنحضرها ونمشي عليها عشان نقنع محركات البحث ذي جوجل على سبيل المثال، أن يكون الموقع الإلكتروني في اول نتائج البحث، يظهر للناس اول حاجة
و بكده عدد الزائرين على الموقع الإلكتروني بيزيد وبيسعدك أن العملاء المحتملين أو العملاء الجدد يقطنعوا أن الي بيدوره عليه موجود عندك وأنك الفرصه الأفضل من الموجودين قدامهم
تحسين محركات البحث SEO بيتم بطريقة طبيعية من خلال ظبط الكلمات الرئيسية وأدوات تانية اتكلمنا عنها في مقال أيه الادوات الي بتحسن محركات البحث و ازاي نستفيد منها؟
عامل أنه بيتم بطريقة طبيعية ومن غير تكلفة مادية بيخليه مهم جداً من حيث اقناع العملاء بيدعم مصداقية الموقع و يخليك الخيار الأمثل
التسويق عبر محركات البحث
هو عبارة عن دمج ما بين تحسين محركات البحث والإعلانات المدفوعة/ الممولة بحيث أن الموقع الإلكتروني بتاعك يظهر في أول نتائج البحث من خلال إعلانات البحث المدفوعة او الدفع كل نقرة PPC
الفرق أن الدفع مش بيتم ذي الإعلانات الممولة التانية، المختلف أنك بتدفع عن كل زيارة للموقع الخاص بيك نسبة محددة و بالتالي لو عدد الزائرين زاد بتدفع أكتر ولو قل بتدفع أقل
الميزة دي في SEM بتخيلك ضامن مكسبك مش مجرد بتدفع فلوس وخلاص، وكمان بتضمنلك إن موقعك الإلكتروني يظهر في أول نتائج البحث وبكده كمان تكون داعمت تحسين محركات البحث SEO
الفرق ما بين تحسين محركات البحث والتسويق عبر محركات البحث أن الأول بيخلي موقعك يظهر في أول نتائج البحث بطرق طبيعية والتانية بتدعم ظهورك في أول محركات البحث بإعلان ممول
و ده يخلينا نسأل نفسنا نستخدم أنهي فيهم؟
الأتنين مش عكس بعض، الأتنين بيكمله بعض وبيفيده بعض
لو هدفك أنك توصل لأول نتائج البحث، الأتنين هيقدمولك الخدمة ديه، وهيكمله بعض عشان توصل لأحسن نتيجه ممكنة
