لأن في أخطاء شائعة بيقع فيها الكُتاب حتى اكترهم احترافياً في كتابة المحتوى لازم تأخد بالك و متخليهومش يقفوا في طريق نجاحك في كتابة المحتوى
كتير بيفتكر أن الكتابة شئ سهل، وممل ومش بيحبوا الكتابة، لكن محبين الكتابة بيحبوها لأن فوائدها كتير زي انها بتحفز العقل، و بتعلمنا حاجات جديدة و بتعرفنا طرق جديدة للتفكير في الموضوعات المهمة في حياتنا
وبرغم من فوائدها الكتير إلا انها مهارة صعبة، و حتى لو حسيت انك خلاص اتعلمتها كويس هتلاقي نفسك بتعيد ارتكاب الأخطاء تاني من الأول
الكتابة بتطلب دايماً عقل مركز مش شارد أو مشتت
وفي المرة الجاية لما ترتكب خطأ في الكتابة افتكر انه شئ وارد حدوثه و حتى الكتاب المحترفين ممكن يقعوا فيه
هنلقي نظر ة على بعض الأخطاء الشائعة
أول خطأ ممكن تقع فيه: عدم معرفة جمهورك المستهدف
مهم جداً قبل البدأ في الكتابة تعرف أنت بتكتب لمين
كتابة المحتوى من غير تحديد الجمهور هيكون دايماً بلا أي فائدة
و الحل في أنك تركز في المدونات و المنشورات الشائعة و المحبوبة على الأنترنت والبحث في موضوعات بتتكلم عن شغلك و تستفيد منهم
و إذا كنت بتكتب محتوى لعميل أو شركة وعايز تكتب محتوى ناجح ومبهر ركز على المنتجات والخدمات الي ليها عائد استثمار أعلى اولاً
و ابحث عن الكلمات الرئيسية ذات الصلة العالية بإنشاء محتوى بيتحدث لجمهورهم وبيساعدهم في كسب حركة المرور
الخطأ التاني: التفكير المحدود أو الضيق
كتابة مدونة سريعة بتتمتع بكلمات رئيسية جيدة في الأغلب هتؤدي لتلبية احتياجات العميل، ولكن مش هتحقق ليهم عائد استثمار كبير
ولو حسيت أن المحتوى الي بتقدمه فشل في تقديم أي منظور فريد أو قيمة معرفية جديدة لازم تتجه فوراً للبحث عن طرق جديدة لتقديم رؤى إضافية أو نصائح لإثراء المجتمع
من السهل تقليد نفس المحتوى المكتوب قبل كده، لكن لو حابب تسيب حاجة تميزك فكر خارج الصندوق
كتابة عنوان ممل من أكبر الأخطى الي ممكن يقع فيها الكاتب، و هو ده الخطأ التالت
مفيش حاجة محبطة أكتر من فشل وجود أي تأثير على المحتوى تعبت فيه واشتغلت عليه لمدة طويلة
وفي أوقات كتير بتكون المشكلة مش في المحتوى بتاعك إنما في العنوان الي قمت بختياره
وعشان تتجنب الخطأ ده هتحتاج أولاً للبحث عن كلمات رئيسية الي بتؤدي لزيادة النقرات وحركة المرور
وتقدر كمان:
تخلي العنوان من (55 – 60 ) كلمة
وتركز على الكلمات الرئيسية في كتابة العنوان
تجذب الانتباه من خلال تقديم فيه حل أو سبب للقراءة، على سبيل المثال: أزاي تكون كاتب أفضل؟
و كمان استخدم كلمات قوية، للتشجيع على الدخول و القراءة
الخطا الرابع: أنك تخلي المحتوى صعب الفهم
لازم المحتوى يكون سهل وكلامه مبسط عشان يتفهم بسهولة و الناس مدورش في مكان تاني لفهم المعلومات
في الأغلب الناس بتهرب من الفقرات الكبيرة المتتابعة
و الحل في أنك تخلي المحتوى مبسط أكتر من خلال تقسيم الفقرات و وضع صور أو مقاطع فيديو أوالرسوم البيانية و المسافات و العنواين المحمسة، لأن معظم
الناس بتفضل التفاصيل البصرية أكتر
و الخطأ الخامس الشائع حدوثه: عدم التركيز في تعديل المحتوى
تقدر تزيد التركيز على تعديل المحتوى من خلال مساعدة زميل ليك يسعدك و يضيف ليك وجهه نظر مختلفة تفيدك
وممكن كمان تستنى لمدة يوم أو يومين وبعدين تقوم بالمراجعة عشان تقدر تقرأ الموضوع من منظور جديد و النظرية دي هتخلي عملية المراجعة بكفاءة أعلى
ومن أكبر الأخطاء هو استخدام المصطلحات و الكلمات المعقدة
النقطة دي بتتعلق بنقطة معرفة جمهورك
استخدام المصطلحات الكبيرة و اللغة المعقدة بشكل مفرط هيكون صعب بالنسبة للقراء للبحث عن كل كلمة أو مصطلح اتكلمت عنه هيكون شئ صعب أوي
حاول على قد ما تقدر تستبدل الكلمات المعقدة بلغة بسيطة، كل ما كان المحتوى سهل، كل ما كان انجح
ولو كنت مضطر لأستخدام مصطلحات معقدة ممكن تشرحها وممكن كمان تربطها بصفحة أخرى على موقعك أو تكتب أي اختصارات
و المحتوى الأطول من اللازم هو الخطأ السابع
واحد من أكبر الأخطاء الممكن تقع فيها هي أنك تكتب جمل أو فقرات كبيرة
دايماً أفتكر أن المحتوى الموجود على الأنترنت مش محتاج يكون طويل، لأن المحتوى الكبير مكانه الكتب مش الأنترنت
وتقدر تحدد طول المحتوى بناً على نوع المنصة المنشور عليها، وكمان من الأفضل انك ديماً تخلي الموضوعات الفرعية صغيرة
لو فضلنا نكتب عن الأخطاء الواردة في الكتابة مش هنخلص
و تاني أفتكر دايماً أن لكل الكتاب المحترفين أخطاء لكن مش كلها بتظهر على الأنترنت، مفيش حد هيقدر يقلل من أخطائه إلا إذا فكر نفسه من وقت للتاني عن “المعلومات الكتابية”
ومع ذلك، مفيش طريقة افضل لتقليل الأخطاء زي الاستمرار في الكتابة
و لمعرفة معلومات أكتر تبعوا المقالات التانية
