كل يوم شغل بتصحى بدري تشرب قهوتك و تبدأ شغلك بفاعلية كبيرة و تركيز، لكن لو جالك تليفون بيكون صعب عليك انك ترجع للشغل تاني من أول و جديد بنفس التركيز
و في عوامل خارجية كتير ممكن تؤدي لتشطط او انقطاع التركيز، و المشكلة دي بتؤثر بشكل كبير على ادائك في الشغل
بس دايماُ في طريقة لتجنب الأنواع دي من التشتت و تحسين ادائك
ولكن يعني ايه تعزيز كفاءة شغلك و ليه مهم للدرجة دي؟
كفاءة شغلك مصطلح كبير بشمل باختصار أداء و ظيفتك بشكل جيد، وفي الأغلب اكتر ناس بيشتغلو بكفاءة عالية هما أكتر ناس عرضة للترقيات و زيادة المرتب
المدريين بيكون عندهم معايير محددة يقدرو يقيسو من خلالها كفاءة شغلك، زي
السرعة – الجودة – الجدارة أو الفاعلية
و القيام بالأمور التلاتة دول مش شئ سهل لأنه بيطلب اعطاءة كل عامل من دول الأولوية و التركيز
وفي أنواع شغل هتكون محتاجة عامل اكتر من عامل
على سبيل المثال: ممكن شركة تكون مهمتة اكتر بالجودة و الكفاءة، و السرعة أخر حاجة بيفكروا فيها، و شركة تانية تكون السرعة و الفاعلية اهم عوامل عندها
اتأكد انك على دراية باهم المقايس في شغلك، و بمعرفتها هتقدر تشتغل على تحسين المقاييس دي عندك و بالتالي هتزيد احتمالية ترقيتك او زيادة مرتبك
وهنحاول في المقال ده نقولك على نصائح تسعدك على تعزيز شغلك
وممكن تكون النصائح دي تنفزها اسهل مما تتوقع
فكر فيهم وحدد اني نصيحة تنفع لشغلك واختار المفيدة ليك أكتر
أولاً: حد من مصادر التشتت
النصحية دي كتير من الناس بيتبعوها لكن مش بيعملو بيها، و مستحيل حد يقدر يمنع كل مصادر التشتت، و لكن على قد ما تقدر قلل من الأشاياء الي ممكن تجلب ليك بعض التشتت زي كتم صوت تليفونك واقفل باب مكتبك إذا امكن و ركز على المهمة الي بتقوم بيها و هتندهش من مقدار الانجزته
ثانياً: تحديد معالم مهامك
في الأغلب الأعمال الكبيرة و الغير محددة هي الي بتسبب التسويف. ولكن إذا قسمت مشاريعك إلى خطوات في قائمة محددة بسيطة، هتحس في الأغلب بانها اكتر قابيلة للإدارة، و كمان بمجرد ما هتحذف شوية مهام من القائمة محددة ، هتحس في الأغلب بانها اكتر قابلية للإدارة، و كمان بمجرد ما هتحذف شوية مهام من الاقائمة هتتشجع لاكمال الباقي
ثالثاً: تحديد أهداف واضحة و قابلة للتحقيق
لازم تكون واقعي لما الأمر يتعلق بتحقيق أهدافك
كلنا عايزين ننجز أكبر قدر من المهام و لكن لازم نخلي في اعتبارنا أن طاقتنا ليها حد ونعرف الي نقدر نحققه في يوم عمل واحد
تقسيم الأهداف الكبيرة لعدة أهداف صغيرة و واضحة على المسار الصحيح
يعد تحديد الأهداف القابلة للتحقيق طريقة تسعدك لتكون لطيف مع نفسك في الوقت الي عايز تنجز فيه
رابعاً: تجنب تعدد المهام
في ناس بتؤايد تعدد المهام، و لكن في الواقع، بيؤدي التبديل بين المهام الي تقليل من كفاءتك، بمعنى انك لو بتعمل حاجتين في نفس الوقت مش هتعملهم اسرع بالعكس هيخدو منك وقت اكبر فحاول أنك تركز على عمل واحد تنجزه و بعدها ركز على عمل تاني
خامساً: ركز على إدارة وقتك بشكل جيد
شغل ساعة واحدة من غير تسويف او استعجال احسن من شغل تلت ساعات وانت مستعجل، و عشان كده لازم تحرص على انك تعمل في وقت مبكر في اليوم على ترتيب الاولوياتك
في دراسة اظهرت ان التسويف بيؤدي لزيادة التوتر و الاكتئاب و القلق و الإرهاق و كمان بيخليك مش راضي على شغلك ولا حتى حياتك
سادساً: ركز على انجاز المهام المهمة في الأول
حاول تخصص وقت في بداية كل يوم لجدولة مهامك الايومية من الاهم للاقل اهمية لضمان الحصول على أفضل طاقة ليك
بحيث أن تنظيم المهام العاجلة بطريقة فعالة هيسعدك على القيام بالمهام الصعبة
و في نصائح تانية تقدر تركز عليها زي التوازن بين شغلك و حياتك و إعطاء الأولوية لتحسين الذات زي القراءة و كمان انك تحافظ على صحتك و نومك و تاكل كويس
وخلي بالك من حاجتين لازم تتجنبهم في وقت الشغل، زي الكلام الكتير مع زملائك في العمل لأنه هيشتتك و كمان حاول على قد ما تقدر تخلي تلفونك بعيد عنك وقت الشغل على قد الأمكان
